O home que matou a Antía Morgade

Formamos un excelente equipo, porque no fondo non somos máis que uns egoístas ambiciosos e despiadados, preocupados porque ninguén descubra as novas debilidades.

Ás veces hai que entrar en acción e non sentar nun banco a agardar que suceda algo.

É curioso saber que un é o artífice da felicidade allea. Ninguén debería ser consciente dese poder.

A pandemia roubáralles todo, mesmo a identidade.

Penso que por iso elixín a música como forma de vida. É a única maneira de mostrares a dor sen que ninguén te xulgue. Mentres todos se esforzan en parecer felices, a min, nas cancións, permíteseme ser publicamente infeliz.

Cando a vida se detivo, a música continuou.

O odio, cando o invade todo, non deixa espazo para nada máis.

Como ben me dixeches unha vez, a nosa responsabilidade é atopar un culpable para que os inocentes poidan seguir coa súa vida.

A distancia entre a sospeita e a culpabilidade era insignificante. Todos o sabían. Sucedeu o mesmo cando morreu Antía.

Hai promesas que non valen nada. Sobre todo, cando non está na túa man cumprilas.