O xogo de Escher é unha distopía de ciencia ficción que recibiu o IX Premio de novela curta Cidade Centenaria de Ribeira. Escher é a compañía que ofrece este apaisonante e o mesmo tempo aditivo xogo. Unha vez te conectas ao Cubo, o gran computador xerador de vidas, a consciencia lévate a unha época histórica e convértete nunha personaxe. Podes ser calquera. O máis importante é que durante un tempo indeterminado vivirás esa vida coma a túa propia. A morte é o final da partida pero tamén é a posibilidade de comezar unha nova, ou non... Manuel Esteban invítanos nesta novela a un vertixinoso xogo no que despois de cada partida comeza a borrarse a liña da realidade. O mesmo tempo, a novela en si mesma é tamén un xogo que nos pon a proba ata facer que dubidemos de canto acontece. E despois, a guinda a pon o mesmo abraiante final. Unha novela curta pero da que te quedas ca sensación de vivir unha historia completa intensa en emocións e vertixinosa, na que ademais se fai un percorrido por diferentes etapas históricas. Dende logo, se te gusta a ciencia ficción ou queres ler algo diferente, O xogo de Escher é unha moi boa opción. + Leer más |