Atopámonos ante o primeiro álbum de @lediciacostas, que xunto co ilustrador @vidsierra fabricou esta xoia para nenas e nenos. "Sete dentes de león" conta a historia dunha vella que vivía nun bosque gris nun mundo onde non existían as cores. Imaxinades qué tristura? Menos mal que tiña entretemento porque lle gustaba ir pescar! Unha noite, a vella soñou cunha cor nunca antes vista, e pola mañanciña atopou sobre a almofada un dente de león desa cor, e púxolle nome antes de plantalo. Durante sete noites, o soño repetiuse con diferentes cores, e cada día ao espertar achaba un novo dente de león para plantar no seu xardín. ❤️🧡💛💚🩵💙💜 Queredes saber qué pasou cos dentes de león? Ides ter que ler o conto, porque é tan fermoso que négome a spoilear nin un ápice desta linda historia 📖 As ilustracións de David son unha auténtica beleza... estou namorada do manto da vella! Non podería imaxinar mellor deseño de persoaxe, de paisaxe... Marabilloso!😍 Se tedes que facer algún agasallo a algún peque polo día do libro ou polo seu aniversario, facédeme caso... esta é a vosa mellor opción! A miña puntuación: 5/5🌈 Enlace: https://www.instagram.com/p/.. + Leer más |