Pedro está a piques de casar con María, pero teñen un problema... María é de Vilariño e el de Vilameán, ao ser de diferentes pobos un deles terán que ceder as súas terras ao mosteiro.... Esa era a lei. Así era a situación da Galicia do século XV, onde o territorio estaba en poder da Igrexa e da Nobreza. A sociedade galega, sobre todo a rural, estaba chea de impostos, tanto polo que colleitaban, como por morrer e mesmo nacer, por pasar por unha ponte que pertencía ao señor feudal. A isto hai que sumarlle que as colleitas non daban, polo tanto morrían de fame. Esta situación era insostible, así que formaron as Irmandades. Estas, co apoio dunha parte da Igrexa e duns nobres da baixa "alcurnia" lograron derribar as fortalezas dos señores feudais sen derramar nada de sangue, non mataron a ningún nobre, simplemente estes liscaron a outras terras. Todo isto ven reflexado nesta novela, é moi sinxela de ler, e apréndese moito de todos os personaxes históricos da Galicia Medieval que formaron parte de esta revolta. Céntrase moito no acontecemento histórico e non tanto na vida dos seus personaxes. Recomendado a aqueles que queren aprender algo de historia de Galicia, concretamente da Revolta Irmandiña + Leer más |