Be Water

📚Be Water ye'l segundu llibru d'Antía Yañez que lleo dempués de "Non penses nun elefante rosa" (esti últimu podeis alcontralo tamién en castellán, be water namás en galego).

🐝Trátase d'una distopía, apta para un públicu xuvenil, pero tamién interesante pa persones adultes, que mos avera a una nueva sociedá del futuru, nun tan llonxano, organizada nuna especie de truébanos y viviendo baxo tierra. Nel mundu acabáronse los recursos hídricos y la xente tien que somorguiase nel profundu pa dexar rexenerar de nuevu el planeta.

N'esta hestoria conocemos la vida de varies d'estes persones, ente elles los protsgonistes Iolanda y el so primu Fabián, qu'intenten sobrevivir nestes truébanos y nel mediu d'una sociedá autoritaria, dictatorial, gobernada pola reina a la que nun paez importa-y nada'l bienestar de la xente del so "pueblu".

🌊La xente, organizada en clases sociales, intenta sobrevivir con la poca agua que tienen y que ye moneda de cambiu pa tolo que asocede nel truébanu.

🖤 La hestoria prestóme abondu, paezme mui orixinal y ye una metáfora de munches situaciones que pasen na nuesa propia sociedá. Mete miéu pensar en llegar a vivir una deriva tan grande como la que vemos n'esta historia. Magar que la trama quedóseme un poco corta pa un públicu adultu, y munches situaciones veíesles venir , faciéndose un pocu obvia. Tovía asina paezme una llectura mui recomendable, que puede ser perfecta pa un públicu xuvenil (+16 aprox) , y de la que me prestaría saber daqué más de los protagonistes y de como sigue la hestoria.