El Libro Azul de Nebo

Voi facer la crítica na mio llingua llariega, porque esti llibru va d'eses coses: de les pequeñes coses que faen que caún seya él mesmu. ¿Qué ye lo imprescindible pa una persona? ¿Cuála ye la so esencia?
Esta novela ye la defensa d'eses coses que tamos perdiendo anguaño. La rellación cola tierra y los nuestros vecinos. La maternidá. La llingua que se va esmuciendo pasín ente pasu y qu'unu escueye a sabiendes de que ye un xestu baleru porque nun tien nada que facer pa evitar la so muerte.
Namás tengo de da-y les gracies a l'autora por faceme llorar como diba yá cuantayá que nun lo facía con una llectura.