Trinidad ten 21 anos. É mamá de Mateo e a súa parella non so a engana, ademais de todo iso faille luz de gas. Unha forma de abuso psicolóxico sutil e sibilina. "Ese día entendí que las heridas ya no se cerrarían más, que ya solo podía colocar apósitos sobre ellas y esperar a que no dolieran. ¿Pero cuántos apósitos podía colocar sobre mi cuerpo tremendamente finito?" Da súa familia recibe pouco apoio (nun principio), e ten unha nai que a invalida constantemente. De pronto, no meollo dunha noite de axitación e celos mal xestionados atópase con Azul; antiga amizade coa que perdera a relación, mais coa que comeza unha convivencia, un proceso de sanación e crecemento persoal. As flores, facendo honra ao título, están presentes en toda a obra, pois dan nome a cada un dos capítulos, coas súas cores e cheiros tan característicos. Un lugar de luces e sombras. O que narra Luz non é nada extraordinario, pero a historia atrapa coas súas complexidades e persoaxes, cunha prosa fresca, nada difícil de ler. O uso da oralidade arxentina dalle un toque especial e diferente. Nuestras flores é un libro sáfico (aquí pista), de carácter intimista, ambientada na Buenos Aires actual. Trata temas importantes como as relacións familiares, de parella, amizades, a maternidade durante a adolescencia e a saúde mental. Ultimamente estoume fascinando por aquelas persoaxes (feminizadas) que evolucionan dentro dunha historia. Nesta novela Trinidad é unha delas. Equivócase mil e unha veces, o xestiona realmente mal. Serás complice de como o fai posible, para ser a súa mellor versión. Logrei empatizar tanto con ela e a situación... Hai reflexións moi chulas, onde Saltalamacchia a través da protagonista faise eco en letra cursiva. A pesar de haber momentos nos que notaba que a historia perdía esa intensidade, a autora o fixo posible con xiros inesperados. Dádelle unha oportunidade a Stalamacchia, prometo que despois disto todo arrecenderá a flores. + Leer más |